Årsmøtereferat 2009

Årsmøtereferat 2009

Årsmøte til Hordaland Husflidslag vart halde på Bekkjarvik Gjestgiveri i Austevoll helga 27.-29.mars 2009.

Sakliste:

1: Opning ved leiar Britt-Mari Hesjedal.

2: Godkjenning av innkalling og sakliste.

Namneopprop ved sekretær.

3: Val av:

a) Møteleiar : Herborg Nordtveit

b) Fullmaktskomité 2 stk. : Torild F. Velure

: Janniche Ryssdalsnes

c) Teljekorps 2 stk. : Torild F.Velure

: Janniche Ryssdalsnes

d) Møtereferentar 2 stk. : Marianne Jarnes

: Aud Brügger Bjånesøy

4: Årsmelding for 2008. v/ leiar Britt-Mari Hesjedal

5: Revidert rekneskap 2008 v/ kasserar Torild F. Velure

6: Arbeidsplan 2009-2010 v/ leiar Britt-Mari Hesjedal

7: Budsjett 2010 v/ Karoline Blix

8: Kontingentfordeling mellom fylkeslag / lokallag 2010 v/ Else Marie Finnkirk

9: Val ved valnemnda: Jan Åge Pettersen

Framlegg frå valnemnda:

Leiar 1 år : Brit-Marie Hesjedal Fusa Gjenvalg

Styremedlem 2år : Herborg Nordtveit Fusa Gjenvalg

1.varamedlem 1år : Johanne Karin Årland Huftarøy Gjenvalg

2.varamedlem 1år : Brita Bjorøy Hekland Bergen Gjenvalg

Revisor 1år : Jan Myrlid Vaksdal Gjenvalg

Vara til revisor 1år : Alice Ådland Vaksdal Gjenvalg

:

Val av valnemnd v/ leiar Britt-Mari Hesjedal:

h) Valnemnd for 2010. : Inger Tangen, attval

Valnemnd for 2010. : Jan Åge Pettersen, attval

Valnemnd for 2010. : Randi Stang Volden, attval

Valnemnd for 2010. vara. : Olga Marie Fanebust, attval

Opning: Leiar Britt-Mari Hesjedal opna møtet og ynskte velkomne og gav samtidig ordet til ordføraren i Austevoll Kommune, Helge Andre Njåstad. Han fortalte om kystkommunen som inneheld 667 øyar, holmar og skjer med ei strandlinje på 337 km, eit areal på 114 km2 og har 4423 innbyggjarar. Storebø er kommunesenteret og ”den mest kjende austevollingen” er villsauen. Dei vart eigen kommune i 1886. Fiske og fangst er hovudnæringa med ein stor fiskeflåte. Vi vart kjent med kommunen både gjennom bilde og tekst.

Leiar takka for informasjonen og overrekte ein stoppesopp til ordføraren, så han kunne vera rusta mot nedgangstider!

Husfliden Bergen as.: Hege Therese Nilsen orienterte driftsåret 2008 ved Husfliden Bg.as. Ho har vore tilsett i 7 år på bunadsavdelinga. Omsetnaden har auka med ca. 1 mill frå sist år og ligg i underkant av 14 mill. Det vert tildeling av aksjeutbytte for dei to aksjonærane i år og på kr. 30.000,-. Det er bunadsavdelinga som går best, men garn og gåver er også stor omsetnad på. Dei er medlem av Norsk Flid saman med 32 andre husflidsbutikkar. Dette er eit godt samarbeid for felles marknadsføring. No kan ein også bestilla alle typar bunader i butikken i Bergen, men dei vert sydde i dei respektive fylka/distrikta dei kjem frå. To dåpskjolar er også utarbeidd for leige og kjøp. Det er stor aktivitet i butikken grunna flytting om kort tid. Arkivering og registrering tek mykje av tida. Dei skal flytta til Domkirkegata 6. (like bak politistasjonen). Det arbeidar 11 personar på Husfliden i dag og dei er ein lærlingbedrift innan bunad.

Kultur- og næringskonsulent i Hordaland: Janniche Ryssdalsnes er nytilsett konsulent i fylke og presenterte seg. Ho starta opp 16.februar. Ho har delt kontor med fylkeslaget den fyrste månaden, men er på veg inn i nytt kontor i Bredsgården 2 etg på Bryggen. Ho er plassert i sektor for organisasjonsutvikling i N.H. og har fått ansvar for webpublisering for organisasjonen. Ho ynskjer og arbeida med prosjekt retta mot barn og unge og kan hjelpa til med søknadsskriving. Ho ynskjer å vitja lokallaga, så dei må gjerne ta kontakt på telefon 905 56 340 eller e-post: hordaland@husflid.no. Grunna økonomi, kan det vera ei føremon at lokallag går i saman om bruk av konsulenten. Elles er ho forplikta til ein del arbeid retta mot fylke, som t.d. registrering av kulturhandverkarar i Hordaland. Stillinga er no 80 % og 25 % av desse er disponert av fylke.

Fredagskvelden vart avslutta av leiar ca 23.15.

1. Årsmøteopning: Laurdagsmorgon kl 0900 var årsmøte opna av leiar. Det var 44 deltakarar på møtet der 40 hadde stemmerett. Det var utsendingar frå 17 lokallag. Desse laga hadde ikkje utsending: Bømlo, Eidfjord, Granvin, Kvam, Voss, Ullensvang og Øygarden.

2: Godkjenning av innkalling og sakliste. Det var ikkje merknader til verken innkalling eller sakliste, men leiar gjorde merksam på at til neste år vert sakspapira berre sendt ut til påmelte deltakara på e-post for å spara porto. Alle får utdelt sakspapir på møtet.

Sekretæren tok namneopprop.

3: Val av:

a) Møteleiar : Herborg Nordtveit

b) Fullmaktskomité 2 stk. : Torild F.Velure

: Janniche Ryssdalsnes

c) Teljekorps 2 stk : Torild F.Velure

: Janniche Ryssdalsnes

d) Møtereferentar 2 stk. : Marianne Jarnes

: Aud Brügger Bjånesøy

4: Årsmelding for 2008. Leiar Britt-Mari Hesjedal les opp årsmelding for 2008 og viste samtidig ein power point presentasjon med bilde av årets aktivitet i laget. Det var ingen kommentarar til årsmeldinga.

Vedtak: Årsmeldinga vart teke til vitande.

5: Revidert rekneskap 2008: Kasserar Torild F. Velure gjekk gjennom rekneskap for 2008 som var godkjent av revisor Jan Myrlid.. Det var utdelt notar til rekneskapet som også vart gjennomgått. Det vart etterlyst revisjonsrapport, men vi har valt revisor og er ikkje pålagt å ha revisjonsmelding.

Vedtak: Rekneskapet vart deretter godkjent.

6: Arbeidsplan 2009-2010: Leiar Britt-Mari Hesjedal gjekk i gjennom arbeidsplanen for 2009 og 2010. Dei fleste spørsmål og kommentarar gjekk på at medarbeidarkurs og årsmøta vert for dyre og over for lang tid og at det er mykje feil i kurs og kjeldekatalogen over namn, adresser og telefon. Styret og sekretær vil sjå på begge sakene. Evalueringsskjema kan nyttast til å koma med ynskje for tid og stad for ulike møter. Dersom lokallaga sender inn adresseendringsskjema innan fristen, kan i alle fall haustkatalogen vera mindre feil i.

Budsjettet vart teke til vitande.

7: Budsjett 2010: Karoline Blix gjekk gjennom budsjettet for 2010. Det var ynskjeleg å avsetja midlar til 100 års jubileet i budsjettet. Sidan det ikkje er noko ekstra i kassa, må ein ta frå dei andre postane i budsjettet. Det vart avstemming om å flytta dei avsette kr. 20.000,- frå kurs og kjeldekatalog over til 100 års jubileet. 25 av 40 stemte for dette. Det kom framlegg om å laga ein jubileumskatalog der alle lokallaga presenterte seg. Katalogen skal berre vera tilgjengeleg på nett, men H.H. trykkjer opp eit eks. til kvart lag. Lokallaga må ha eit opptrykt eksemplar tilgjengeleg der det er folk. Kontingenten er uendra i budsjettet for 2010. Oppfordring frå salen om at alle vervar fleire medlemar.

Vedtak: Budsjettet for 2010 vart vedteke med ovan nemnde endring.

8: Kontingentfordeling mellom fylkeslag / lokallag 2010: Else Marie Finnkirk gjekk gjennom sak 8 om kontingentfordelinga mellom fylkeslaget og lokallaget. Styret ynskte ingen endring i fordelinga. Saka vart lagt fram med oversikt over dei ulike kontingentsatsane. Det kom spørsmål frå salen om kontingenten ville gå ned, sidan Norsk Husflid kjem ut med eit nr mindre. Styret sender spørsmålet vidare til N.H.

Vedtak: Kontingentfordelinga vert uendra, 50/50 %.

9: Val ved valnemnda: Jan Åge Pettersen frå valnemnda la fram valnemnda sitt forslag. Valnemnda hadde vore i kontakt med alle og samlege ynskte å halda fram i styret så valnemnda gjekk for attval på heile styre. Han gjorde også merksam på at eit lokallag hadde kome med eit framlegg på ein ny styremedlem og oppfordra dette laget om å koma med benkeframlegg på denne personen, sidan valnemnda gjekk inn for attval på heile styret.

Det vart ein del diskusjon om retningsliner for valnemnda, frist for innsending av framlegg på kandidatar og at det burde vera meir spreiing geografisk av styremedlemane. Styret vil sjå på dette til neste år, men alle laga får innkalling til årsmøte i midten av desember, der det står kven som er på val og kven som sit i valnemnda.

Vedtak: Val av leiar var gjennomfort ved akklamasjon.

Det kom framlegg på Grethe Spurkeland, Nordhordland som motkandidat til Herborg Nordtveit. Ved skriftleg val fekk Herborg Nordtveit 13 stemmer, Grethe Spurkeland 26 stemmer og 1 blank stemme. Begge varamedlemane, revisor og vara revisor vart valt ved akklamasjon.

Styret for 2009 vert slik:

Leiar 1 år : Brit Marie Hesjedal Fusa Attval

Styremedlem 2år : Grethe Spurkeland Nordhordland Ny

1.varamedlem 1år : Johanne Karin Årland Huftarøy Attval

2.varamedlem 1år : Brita Bjorøy Hekland Bergen Attval

Revisor 1år : Jan Myrlid Vaksdal Attval

Vara til revisor 1år : Alice Ådland Vaksdal Attval

Ikkje på val:

Styremedlem 2 år: Else Marie Finnkirk, Sotra

Styremedlem 2 år: Karoline Blix, Huftarøy

Fylkesoppnemnd: Guro Fosse Haraldsen, Bergen

Fylkesoppnemnd vara: Jorunn Gjersvik, Straume

Val av valnemnd: Leiar Britt-Mari Hesjedal leia valet av valnemnd for 2010. Det er 3 personar i valnemnda med ein varamedlem. Tradisjonen har vore at ein går ut kvart år og dei andre tre rykkjer opp og ny vara vert valt. Den som har sete lengst vert leiar. Heile valnemnda for 2009 er villige å ta attval.

Vedtak: Valet vart avgjort ved akklamasjon.

Valnemnd for 2010. : Inger Tangen, attval

Valnemnd for 2010. : Jan Åge Pettersen, attval

Valnemnd for 2010. : Randi Stang Volden, attval

Valnemnd for 2010. 1 vara. : Olga Marie Fanebust, attval

Leiar takka Jan Åge Pettersen med blomar og Herborg Nordtveit fekk boka ”Neverkontstrikk” for den tida ho har sete i styret.

Årsmøte 2009 vart avslutta.

Referentar på årsmøte var Marianne Jarnes og Aud Brügger Bjånesøy. Sekretær Torild Finsrud Velure har samla trådane.