Historiske data frå 1895 - 2010 over leiarar i Hordaland Husflidslag (tidlegare Vestlandske Husflidslag), dagleg leiarar i Husfliden Bergen, N.H. utmerkelsar i fylkeslaget, sekretærar og andre styreverv som fylkeslaget har og konsulentar i fylke. Dette finn du under filarkiv til venstre.

6.februar 1895 vart "Husflidsforeningen for Bergen by og stift" skipa. I 1913 vart namnet endra til "Bergens Husflidsforening". Vestlandske Husflidslag vart skipa i 1938, og Bergens Husflidsforrening vart då oppløyst og gjekk inn i det nye laget. I 1970 vart laget delt i to fylkeslag, desse laga er Hordaland husflidslag og Sogn og Fjordane Husflidslag.

Historien om dei fyrste 50 åra i laget er skriven av Magnus Aarø i boka Vestlandsk husflid gjennom 50 år. I skriftet Til arbeidets ære, som kom ut til 75-års jubileet, er det òg med eit historisk attersyn, skrive av Agnethe Mohn. I Boka Flid og Flørt har Åsmund Lien skrive om dei siste25 åra fram til 100-årsjubileet i 1995. Boka Flid og flørt kan ein framleis få kjøpa ved å henvenda seg til fylkeslaga. Pris er no kr 75,-. Husfliden i Bergen vart også skipa i 1895 og var eigd av ovannemnde lag. I 1997 var Husfliden i Bergen aksjeselskap der aksjane er likt delt mellom Hordaland Husflidslag og Sogn og Fjordane Husflidslag.