Styret i husflidslaget 2012 - 2013.
Husflidslaget avvikla årsmøtet 25. januar med god deltaking, god mat, god prat og
godt engasjement mellom dei frammøtte.
Etter valet og eit konstituerande styremøte ser styret for 2012 slik ut:
Leiar: Linda Hasund
Nestleiar/nettansvarleg: Berit Aarset
Sekretær: Therece Herstad
Kasserar: Aagot Grimstad Riise
Studieleiar: Liv Gurskevik
Vara/valnemnd: Alvhild Moldskred og Turid Bakken.
Revisor: Inga Marie Aurvåg
Husflidsmøta er på Frivilligsentralen, Skollebakken aktivitetshus i Ulsteinvik sentrum, ein gong i månaden. Møta er frå kl.19.00 til ca. kl.21.00. Møta er opne for alle husflidsinteresserte. Møteplanen for våren 2012 ser slik ut:
Onsdag 8.februar.
Onsdag 14.mars.
Onsdag 11.april.
Onsdag 9.mai.
Den 11.april kjem husflidskonsulent Randi Hole og skal halde eit foredrag om fargar, fargebruk og korleis fargar påverkar oss. Dette er ein del av satsningsområdet til Norges Husflidslag; farge, form og funksjon.
Dei andre møta vert utan tema. Ta med deg det du arbeider med og kom! På møta har vi kaffe/te, litt å bite i, loddsal og utlån av bøker som faste innslag.
I mars skal vi ha heklekurs for nybyrjarar. Hanne Harkjerr Skeide er kurshaldar og vil lære oss teknikkane. Kurset går over fire torsdagar i mars frå kl.18.00 til 21.00. Informasjon og påmelding hos studieleiar Liv Gurskevik, mobilnr.48135200.
Velkommen - både på husflidsmøta og på kurset!
Nyhetsarkiv
Kurs til hausten 2012.
Kurs til hausten
Turkopp
Vi skal som sagt ha turkopp-kurs med Arne Ola Grimstad. Dette er allereie fullt.
Skinnfell
Så skal vi ha kurs i sying av stolfell. Denne syr ein av to eller tre saueskinn og den er fin til å legge i ein stol, gyngestol, på ein benk (ute eller inne) eller drage over seg i sofakroken. Sjå vedlegga. Vi skal også trykke dekor på fellen med trykkblokker. Vi har lagt ved bilete av døme på trykkblokker. Det er Linda Hasund som er kurshaldar.
Kurset vil bli lagt opp som helgakurs og vil gå over tre helgar i haust, truleg i september og oktober. I tillegg til kurstimane må ein rekne med ein god del heimearbeid. Å sy skinn er ikkje vanskeleg når ein først har lært teknikkane, men det er tidkrevande. Vi vil ha ei kort samling ein gong før sommaren for å informere litt om ulike skinntypar. Det er ventelister på nokre skinntypar i Norge så ein må vere ute i god tid. Om du tenkjer å melde deg på så vent med å kjøpe skinn til vi har hatt det første møtet. Det er ikkje alle typer skinn som er egna til å sy stolfell/skinnfell av.
Dette kurset inneheld dei grunnleggande teknikkane slik at du lærer nok til å kunne sy eit sitteunderlag eller ein stor skinnfell (8-12 skinn) på eiga hand etterpå.
Spørsmål om kurset sender du til linda.hasund@mimer.no.
Påmelding til Liv Gurskevik, mob.48135200.
Vi let medlemmane få eit lite forsprang til å melde seg på før tilbodet blir annonsert til alle.
Dette blir kurstilbodet i haust. Vi reknar med at mykje av arbeidet med å bearbeide linen (dersom vi får til dyrkinga J) vil kome i september. Og det blir sjølvsagt vanlege husflidsmøter.
Ulsteinselar
Det neste kurset med bunadstema vert Ulstein-selar. Dette er bukseselar til mannsbunaden. Sjå bilete som er vedlagt. Dette kurset vil vi starte i januar(2013) og det skal vere ferdig til 17.mai .Kurset vil gå over 21 timar og ein må rekne med ein god del heimearbeid. Ein skal lære fleire broderiteknikkar og så er det montering til slutt. Det er Mona Kleven Blindheim som er kurshaldar og spørsmål om kurset kan rettast til henne: mona.k.blindheim@hotmail.com. Påmelding til kurset kjem vi tilbake til seinare. Det er plass til max 10 stk. på kurset.
Vi avsluttar bunadskjortekurset denne veka. Vi vil leggje ut bilete frå dette kurset på nettsida til neste helg.
På siste husflidsmøtet vart det bestemt å lage eit lappeteppe (til frivilligsentralen til utlodding) og ni kvinner sa seg villege til å strikke/montere. Kjempeflott! Ei anna ville gje ein løpar i lappeteknikk. Tusen takk til alle!
Vi minner om at vi har meldt oss inn i grasrotandelen. Alle bekker små………….har du spørsmål om korleis du melder deg inn i denne ordninga så send ein epost til leiaren.
Litt kurs info vår 2012.
Denne våren skal vi ha heklekurs, populært for mange tydelegvis.
Kurset går over fire kveldar no i mars og det er heilt fullt.
I haust skal vi m.a. ha kurs i å lage turkopp.
Arne Ola Grimstad frå Ørsta er kurslærar og det er plass til maks 8 deltakarar. Arne Ola går utifrå at ingen har laga kopp før så alle vil få den hjelpa dei treng.
Når vi tek opp dette no er det fordi kursdeltakarane må møtast ein gong no på våren (april) for å hole ut koppane. Turkoppane (emna) treng så tida fram til hausten til å tørke. Sjølve kurset vil truleg starte i september. Kurset vil truleg gå over 16 timar, kursavgifta er ikkje bestemt enno, men det vil vi ta opp på styremøtet komande onsdag.
Tilbodet går til medlemmar og tidlegare kursdeltakarar først. Dersom du vil melde deg på dette kurset så ring til Liv Gurskevik mob.48135200.
Om 14 dagar reknar vi med å ha fått ut informasjonen om dei andre kurstilboda til hausten.
Den svarte herrebunaden frå Sunnmøre.
Vi får stadig spørsmål om vi skal ha kurs i å sy den svarte herrebunaden frå Sunnmøre, og det har dessverre husflidslaget ingen planer om. Men til orientering så syr Møre konfeksjon i Volda, tlf 70.07.63.34 denne herrebunaden. Individuell måltaking og tilpassing av jakke, bukse, vest og skjorte vert gjort av erfarne syersker på fabrikken i Volda.