Raulandsakademiet

Raulandsakademiet er det stedet i Noreg som tilbyr flest kurs innan tradisjonshandverk.

Velkommen til kurs i 2018

Vi er glade for å presentere ein kurskalender med over 60 tilbod. Nokre gamle og kjende kurs og nokre nye.  

I år har vi med  kursa som Høgskolen arrangerar i samband med Rauland Internasjonale Vinterfestival i februar. Her kan du fylgje Emmanuel Pariselle i arbeidet med å lage to durspel eller du kan lære å veve på digital vevstol.

 Det er mange brikkevevkurs i år. Både tradisjonelle hårband frå Telemark, Sonja Berlin sine kreative brikkevevde band, brikkevev i vestol og historiske brikkevevde band frå Vestfold.

Kva med å starte sommaren med å få innsikt i skrivekunsten i mellomalderen, lage gåsefjærpenn, lage fargepigment, legge bladgull og få fram dei lekraste kalligrafiske arbeid? Kurset heiter "Middelalderretreat".

Vi tilbyr nye kurs i lagging og sveiping, og vi ynskjer velkommen til smikurs i den nye smia vår. Ola Svensson er smilærar. 

Nytt i år er eit kurs med brodering av bunadskjorter frå Telemark. Her kjem du innom både smøyg, krosstingsbroderi og rosesaum. Instruktør er Liv Berit Kaasa.

For deg som er interessert i sølvarbeid, kan du konsentrere deg om filigranteknikken på eit 2 veker kurs med Gunnhild Astrid Evju. Her får du lage ein hornring med heng.

Vi ynskjer Elin Blindheim velkommen attende med sjokoladekurs i slutten av juni.

Elles er vi glade for å kunne tilby kurs vi har hatt i mange år. Vi nemner lafting, treskjering, snikkarkurs, møbeltapetsering, landskapsmåling, akvarell, skinnfellkurs,  tægerbinding, skrivekurs, knivkurs, rosemåling, plantefarging, spinning, sliping av verktøy og kalligrafi.

Raulandsakademiet held til på Rauland i Telemark. Kursa er i samarbeid med Rauland Husflidslag og Studieforbundet kultur og tradisjon.

Opplysningar om kursa finn du på vår heimeside www.raulandsakademiet.no . Dersom du ikkje har høve til å bruke nettet kan du ringe eller skrive til oss, og vi sender deg utførleg informasjon om kurset du er interessert  i. Tlf. 35073292. Adresse: Akademiet 2, 3864 Rauland

Her kan du bla i kurskatalogen

Her finn du detaljerte opplysningar om alle kursa

Her finn du nyttige opplysningar om kursa 

Eg håper du finn eit kurs som høver for deg.

Velkommen til Rauland og Raulandsakademiet. Beste helsing Ann Mari Jore

Hjemmeside: www.raulandsakademiet.no

E-post: post@raulandsakademiet.no 

 

Developed by Aplia - Powered by eZ PublishPersonvern

Dette nettstedet bruker informasjonskapsler. Les mer om informasjonskapsler her. Ikke vis denne meldingen igjen.