Aurland Husflidslag vart skipa i 1977. I dag har laget omlag 50 medlemmer, 20 av desse er medlem i Ung Husflid.

Over ser du eit bilete av Hopastova. Her held me til. Hopastova er eit staseleg bygg som feira 100-års jubileum 2014. Huset var den første aldersheimen i Aurland og vart sett opp med god hjelp av pengar heimsendt frå Amerika.  Her er stover og kjøkken som også fungerer som aktivitetslokale, vevstove på loftet og keramikkomn i kjellaren.

Aurland Husflidslag har aktivitetskveldar og kurs innan husflid.  Laget samarbeider med andre lag og organisasjonar i kommunen  om ulike arrangement. 

Ung Husflid har fire aktivitetskveldar kvar haust og kvar vår. Dato og klokkeslett finn du i kalenderen når dei er fastsett.

Laurdag før første søndag i advent arrangerer me julemesse på Aurland barne- og ungdomsskule. Dette er eit årleg arrangement.

Følg med på heimesida så ser du kva som skjer i laget. Du er velkommen til å delta! 

Kalender

6 mai 2019 18:00, Hopen - Dagsturhytta

Nyhende

Måndag den 25. februar klokka 17.30 – 19.00 startar Ung Husflid opp att i Hopastova. Elevar frå og med
4. klasse til og med 7.klasse er velkomne til gjera husflidsaktivitetar.

 

Måndag den 25.februar 19.30 – 21.00 inviterer husflidslaget medlemmer og ikkje-medlemmer til ein triveleg aktivitetskveld i Hopastova.

 

Tema er vevstrikk. Me viser korleis du kan strikka skjerf i vevstrikk med to fargar. Me vil også vise andre mønster med vevstrikk der me brukar to eller tre fargar.

 

Du kan gjerne ta med eige handarbeid og du ønskjer.

Det vert servert te og kaffi.

 Vel møtt!

 

Developed by Aplia - Powered by eZ PublishPersonvern

This site uses cookies. Read more about cookies here. Do not show this message again.