Kurskatalog 2017

Velkommen til kurs i 2017

Husk at medlemmer I Rauland Husflidslag får 10%rabatt på kursavgifta.

Sjå heile kurskatalogen her: http://www.visitrauland.com/Aktoer/Raulandsakademiet/Kurskatalog

Vi er glade for å presentere ein kurskalender med over 60 tilbod. Nokre gamle kjende kurs og nokre nye.  Eg vil nemne brikkeveving som er den eldste vevteknikken vi veit om. Torkjel Sletta vil lære bort korleis vi lagar tradisjonelle hårband, som du særleg finn på folkedraktene i Telemark. For deg som vil gå litt vidare med brikkevevteknikken tilbyr Svanaug Staurheim  eit kurs der ein set opp brikkeveven i  vevstol. Barbro Storlien vil hjelpe deg i gang med å sy din eigen bunad. Fyrst nokre dagar med brodering, deretter nokre dagar med montering av bunad. Eller kva med å føre vidare tradisjon med dåpsluer. Mona Løkting vil lære bort korleis ein syr dåpslue i silke for gut eller jente.

Kurs i biletvev med Anne Gro Johansen er på plass att og Åse Eriksen vil lære bort korleis ho fargar garn til renning i veven.

Det er mange stikkekurs i år. Både maskinstrikking og handstrikking. Mellom anna kan du designe di eiga kufte med Kristin Holte eller lære korleis du lagar fine avslutningar og kantar på handstrikka plagg.

For deg som er interessert i sølvarbeid, kan du konsentrere deg om filigranteknikken på eit 2 veker kurs med Gunnhild Astrid Evju. Eller lag eit sølvkrus på kurset til Eli Taugbøl, frå plate til krus.

Anne Grete Krogstad tilbyr eit kurs for alle som arbeider med barn. Her får du gode tips til oppgåver både innan tre, lær og tekstil.

Kva med å lage eigne sandalar til sommaren? Sofie Louise Kleppe har utdanning i lærarbeid frå Finland og vil dele kunnskapen med oss.

Kurs i tinntrådarbeid har vi ikkje hatt på Rauland før. I år kjem Norma Refsal for å halda dette kurset. Ho er kona til Harley Refsal som mange vil kjenne godt frå før. Harley skal halda kurs i figurskjering i veke 27.

Elles er vi glade for å kunne tilby kurs vi har hatt i mange år. Når både kursdeltakarar og instruktørar er fornøgde og ynskjer å koma attende til Rauland, ja, då blir det bra.  Vi nemner lafting, treskjering, snikkarkurs, møbeltapetsering, landskapsmåling, akvarell, skinnfellkurs,  fotokurs, tægerbinding, skrivekurs, knivkurs, rosemåling, plantefarging, spinning, sliping av verktøy og kalligrafi.

Eg håper du finn eit kurs for høver for deg.

Velkommen til Rauland og Raulandsakademiet. Beste helsing Ann Mari Jore

Kalender

Nyheter

Dette utstyret treng du

til å lage plukkeband. Handvevd belte til bandveving kr 250,-, bandvevfeste kr 150,- og Vesaas-grindi kr 500,-  Belta leverast i tre størrelsar. "Small", "Medium", "Large" og "One size" (som har lange hemper som kan regulerast). Ynskjer du å bestille frå Rauland husflidslag? Send E-post til eli.wendelbo@gmail.com 

Plukkeband representerar eit handverk som kjem inn under Norges Husflidslags raudliste, ei liste over handverk som er lite bruka og som få kan og som kan bli gløymt om vi ikkje tek teknikken i bruk. Vesaas-grindi blir laga med 9, 11 eller 13 mønsterspalter og plass til utbrogd. Pris kr 500,-. Interessert? Vi kan sende i posten. Send E-post til eli.wendelbo@gmail.com 

Inger Helene Olsnes kjem og skal få oss i gang med brodering…..

rosesaum, korssting, musetaggar……………

Ho tek med prøvelappar, nåler og garn.

Velkommen torsdag 28. mars kl 18.00. Det neste møtet er sett til torsdag 11. april kl 18.

Developed by Aplia - Powered by eZ PublishPersonvern

Dette nettstedet bruker informasjonskapsler. Les mer om informasjonskapsler her. Ikke vis denne meldingen igjen.